Dövlət və bələdiyyə idarəsi sahəsində çalışan mütəxəssislər büdcənin tərtibatı, mənzil və kommunal xidmətlərə nəzarət etmə kimi işlərlə məşğul olur.
 Dövlət və bələdiyyə idarəsi ixtisası üzrə təhsil alan tələbələr aşağıda sadalanan fənləri öyrənir: mühasibat uçotu, politologiya, marketinq, vergi və vergiqoyma, sosiologiya, iqtisadi nəzəriyyə və s.
 
 Dövlət və bələdiyyə idarəsi ixtisasını öyrənən zaman tələbələr normativ hüquqi akt layihələri hazırlamağı, büdcəni planlaşdırmaq və xərclərin səmərəliliyini hesablamağı, sənəd mübadiləsi aparmağı, dövlət orqanları ilə KİV arasında əlaqə yaratmağı, dövlət və bələdiyyə idarəsi orqanlarında işlərin təşkil etmə üsullarını öyrənirlər.
 Bu ixtisası bitirən zaman məzunlar müxtəlif vəzifələrdə çalışa bilər: dövlət qulluqçusu,dövlət və bələdiyyə idarəsi üzrə mütəxəssis, maliyyə meneceri və s.