Metrologiya üzrə mühəndis istehsalın metroloji təminatı, məhsulun hazırlanması, istismarı ilə məşğul olan mütəxəssisdir. Bundan başqa metrologiya üzrə mühəndis istehsal olunan məhsulun beynəlxalq standartlara cavab verməsi üçün keyfiyyətinin artırılması ilə məşğul olur.
 Standartlaşdırma üzrə mühəndis texnoloji proseslərin təşkili, planlaşdırılması və standartlaşdırılması ilə məşğul olan mütəxəssisdir.
 Metrologiya, standartlaşdırma və sertifikasiya mühəndisliyi ixtisası üzrə təhsil alan tələbələrə bu fənlər keçilir: standartlaşdırmanın əsasları, sertifikasiyanın əsasları, keyfiyyət sistemi, tətbiqi metrologiya, xətti, bucaq və mexaniki ölçmələr, ölçü cihazlarının avtomatlaşdırılması, sənaye texnologiyası, beynəlxalq standartlaşdırma və sertifikasiya və s.
 Bu ixtisasın məzunları təhsilini başa vurduqdan sonra ölçü vasitələrinin texniki xarakteristikasını hazırlaya bilir, iqtisadiyyatın əsaslarını, məhsulun sertifikatlaşdırma qaydalarını , istehsalın metroloji təminatının standartlarını bilirlər.