"Odlar Yurdu" Universiteti (OYU) 10 noyabr 1995-ci il tarixində Azərbaycan Respublikası Nazirlər kabineti nəzdində Dövlət Ali Ekspert Komissiyası tərəfindən yoxlanılaraq müsbət rəy alınmışdır.
8 İyul 1996-cı il tarixində Nazirlər Kabinetinin 86 saylı qərarı ilə dövlət qeydiyyatından keçmişdir. Universitetdə aşağıdakı fakultələr fəaliyyət göstərir: Təbiət və elmi tətbiqi elmlər" fakultəsi, "Biznes İdarəçiliyi, iqtisadiyyat və Beynəlxalq münasibətlər" fakultəsi, "Humanitar və Dillər" fakultəsi. Universitetdə həm əyani, həm də qiyabi əsaslarla təhsil almaq mümkündür. Universitetin özünəməxsus yemekxanası və kitabxana tələbələrin istifadəsindədir. Burada 1000 nəfərə yaxın tələbə təhsil alır və burada 100 nəfərə yaxın müəllim heyəti çalışır ki, onlardan da 30 nəfərə yaxını elmlər doktoru və professorlardır, 50 nəfərə yaxın isə elmlər namizədidir.                 Universitetdə minimal təhsil haqqı 4000 manat təşkil edir.
Odlar Yurdu Universitetində bir neçə mərkəz mövcuddur:                             1. Elmi- Metodiki Araşdırmalar Mərkəzi
2. "Heydər Əliyev irsinin öyrənilməsi" Elmi-Tədqiqat Mərkəzi
3. Akademik Zərifə Əliyeva adına Tibb muzeyi
4. Bank Tədris Mərkəzi
5. Əlavə Təhsil və Kurikulum Mərkəzi
6. Elmi və Pedoqoji Xəbərlər jurnalı mərkəzi
7. Radio-Televiziya Yayım Mərkəzi
8. Dizayn studiyası və Poliqrafiya Mərkəzi
9. Keyfiyyətin Təminatı Mərkəzi