Baytarlıq ən lazımlı ixtisaslardan biridir.
 Belə bir məsəl var: “Həkim insanı müalicə edir, baytar insanlığı”. Baytarlar heyvanların diaqnostikası və müalicəsi, heyvanlarda travmanın müalicəsi ilə məşğul olur. Baytarlıq olduqca məsuliyyətli peşədir və heyvanların öz problemini izah edə bilməməsi bu peşəni daha da mürəkkəbləşdirir.
 Baytarlıq ixtisasında təhsil alan tələbələr heyvanların anatomiyası, heyvanların fiziologiyası, virusologiya, baytarlıq genetikası, kimya, biokimya, patoloji anatomiya, histologiya və s. fənlərini öyrənir.
 Baytarın vəzifələrinə ev heyvanlarına, həmçinin zoopark və sirk heyvanlarına baytarlıq köməyi göstərmək, heyvanların yaşadığı yerlərin sanitar şəraitini yoxlamaq, heyvanları müayinə etmək və s. daxildir.
 Bu ixtisas üzrə ali məktəbi bitirənlər özəl baytarlıq klinikaları ilə yanaşı, elmi-istehsalat laboratoriyalarında, baytarlıq apteklərində, elmi-araşdırmalar institutlarında işlə təmin oluna bilər.
  Daha çox göstər