İbtidadi sinif müəllimi kiçik yaşlı uşaqlarla işləyir. Təhsil prosesinə dərslər və sinifdən xaric işlər daxildir. Müəllimin işi yeni şagirdlərin valideynlərilə tanışlıqdan başlayır. Müəllim şagirdlərlə işdən əlavə sənəd işləri - analitik işlərlə də məşğul olmalıdır: hesabat planı tərtib etmək, metodik işlərdə və digər sinifdən xaric işlərdə iştirak etmək.
 Bu ixtisası öyrənən tələbələr riyaziyyat, təbiətşünaslıq, rus dili və rəsm kimi əsas məktəb fənləri ilə yanaşı pediatriya, pedaqogika, etika, estetika və psixologiya kimi biliklərə də yiyələnirlər. Həmçinin gələcək pedaqoqlar müvəffəqiyyət dərəcəsini təhlil etməyi, təhsil prosesini təşkil etməyi, valideynlərin iştirakı ilə işləməyi və s. öyrənirlər.
 İxtisasın elə də populyar olmaması ilə əlaqədar olaraq vakansiyalar kifayət qədər çoxdur. Həmçinin ixtisas artırmaq mümkündür və bu zaman iş daha yüksək maaşlı olacaq. Həmçinin tədris hissə müdirliyi vəzifəsinə və ya müdir vəzifəsinə qədər karyera inkişafı da mümkündür.
  Daha çox göstər