“Dil və ədəbiyyat müəllimi (ərəb dili və ədəbiyyatı)” ixtisasının əsas məqsədi təhsil müəssisələrində müəllimlik fəaliyyəti göstərəcək, ədəbi ərəb dilini və dialektlərini sərbəst şəkildə bilən ixtisaslaşmış müəllimlər hazırlamaqdır.
 Bu ixtisasın tələbələrinə müəllimlik, məşğələlərin elmi-metodik materialını tərtib etmək, sinifdən xaric tədbirlərin və məktəb bayramlarını təşkil etmək öyrədilir. Həmçinin ixtisasın tələbələrinə ərəb dilinə və ərəb dilindən tərcümə etmək öyrədilir. Ərəb dili dünya ədəbiyyatında və dində əsas dillərdən biri olduğu üçün tələbələr arxiv materialları ilə işləməyi, onları sistemləşdirməyi və təhlil etməyi öyrənməlidir. Bu ixtisası bitirənlər “Ərəb filologiyası” üzrə elmi-araşdırmalar apara bilər.
 Tələbələr müxtəlif sənədlər hazırlamağı öyrənir: hesabat, annotasiya, referatlar. Bütün bunları bilmək onlara gələcəkdə ərəb dilində savadlı yazmaq bacarığı tələb olunan vəzifələrdə çalışmaq şansı verəcək.
 Bu ixtisas üzrə təhsilini başa vuran məzunlar orta məktəblərdə, orta ixtisas məktəblərində müəllim işləyə, tərcüməçi kimi fəaliyyət göstərə bilər.
  Показать больше