Aviasiya texnikası avadanlıqlarının istismarı mühəndisi bütün zəruri sənədləri olan və xüsusi hazırlıq keçmiş yüksək səviyyəli mütəxəssisdir. Onun vəzifələrinə təyyarə və vertolyot kimi aviasiya texnikalarına yerüstü xidmət göstərmək daxildir. Aviasiya texniki öz kateqoriyasına uyğun vəzifəni tutur və işin ona tapşırılan hissəsinə cavabdehlik daşıyır.
 Aviasiya texnikası avadanlıqlarının istismarı mühəndisinin ala biləcəyi kateqoriyalar: A, B, C, BS-1/2, D. О
 Bu ixtisasa ali aviasiya məktəblərində yiyələnmək olar və bu məktəblərdə tələbələrə təyyarələrin və vertolyotların quruluş nəzəriyyəsi öyrədilir. Gələcək texniklər mühərrik və turbindən şassinin xüsusiyyətlərinə qədər bütün əsas və köməkçi mexanizmləri öyrənməlidirlər.
 Təhsili başa vurduqdan və zəruri təcrübə topladıqdan sonra gənc mütəxəssislər aviaşirkətlərdə, təyyarələrin düzəldilməsi və təmiri ilə məşğul olan zavodlarda öz güclərini yoxlaya bilərlər. Həmçinin az sayda aviya texnikaya (əsasən, kənd təsərrüfatı texnikası) sahib özəl müəssisə və şirkətləri də unutmaq olmaz.
  Показать больше