Hazırda bir çox ali məktəblər dilləri ixtisas kimi öyrənmək imkanı təqdim edir. Fransız filologiyası müasir cəmiyyətdə getdikcə daha da populyarlaşır. Bu ixtisas gələcəkdə karyera qurmaq və maraqlı iş fəaliyyəti üçün bir çox imkanlar təqdim edir.
 Fransız filologiyası ixtisası üzrə təhsil alan zaman yalnız fransız dili deyil, həm də seçimə görə bir neçə dil, həmçinin fəlsəfə, tarix, etika, dünya dini kimi dünya görüşünü genişləndirən və tərcüməçiyə zəruri olan başqa fənlər də öyrədilir. Fransız filologiyası ixtisasını öyrənməyin bir neçə metodu mövcuddur və hər bir universitet fərqli metoddan istifadə edir.
 Fransız filologiyası ixtisasının məzunları karyera qurulmasında kifayət qədər geniş imkanlara malikdir. Bu ixtisası bitirənlər yazılı texniki tərcümədən şifahi sinxron tərcüməyə qədər müxtəlif istiqamətlərdə tərcüməçi, həmçinin müəllim işləyə bilər. Əlavə olaraq başqa bir ixtisas üzrə diploma sahib olanların işlə təmin edilməsində isə heç bir məhdudiyyət yoxdur. Belə ki, işə götürənlər bir neçə ixtisas üzrə təhsili olanlara üstünlük verir.