Demək olar ki, bütün məktəblilər və tələbələr şparqalkadan istifadə edir. Ümid edirlər ki, köçürmək və yaxşı qiymət almaq imkanı olacaq.

Demək olar ki, bütün məktəblilər və tələbələr şparqalkadan istifadə edir. Ümid edirlər ki, köçürmək və yaxşı qiymət almaq imkanı olacaq. Əgər dərsə və ya imtahana hazırlaşmaq istəmirsinizsə, yaxud material çox böyükdürsə və yadınızda qalmırsa, onda şaprqalka hazırlamaq lazımdır. Students.az saytı məlumatı nəzərə çarpmadan köçürmək və yaxşı qiymət almağa kömək edəcək ən yaxşı şparqalkalar top 5-liyini sizə təqdim edir.

Qədim və əziz klassika

Balaca vərəqlərdə xırda hərflərlə suallara cavab yazılır. Ekstremal vəziyyətdə lazımlı məlumatı tapmağı asanlaşdırmaq üçün yuxarıda daha yağlı şriftlə biletin nömrəsini və ya mövzunun adını yazmaq olar. Kağızda qarmon şəklində qatlar düzəltmək olar. Şparqalkanı gizlətmək üçün onu rezinlə əlinizə bağlayın və gizlədin.

Bomba

Bu, əvvəlcədən düzgün cavablar yazılan vərəqdir. İmtahan və ya yoxlama zamanı özünüzü yazırmış kimi göstərirsiniz, sonra isə lazım olan anda qaralamanızı “bomba” ilə əvəz edirsiniz. Belə şparqalkaların hazırlanmasına çox vaxt sərf edilir. Bu növ şparqalkaların istifadəsi risklidir. İmtahanı təhcil verdikdə, qaralamanı şparqalka ilə əvəz edə bilməyərək pis vəziyyətə düşə bilərsiniz. Lakin bu işi həyata keçirə bilsəniz əla qiymət alacaqsınız. Ən əsası bombanı həddən artıq ideal hazırlamayın, bir neçə yerdən pozaraq qaralayın.

Telefon

Əlbəttə ki, kağız şparqalkalar zamanın sınağından keçib, lakin onlardan köçürməyə həmişə imkan vermirlər. Axı müəllimlər də məktəbli və tələbə olub və “hiylələrin” bir çoxunu bilir. Buna görə də daha müasir yollardan istifadə etmək lazımdır. Məsələn: telefonda internetdən istifadə edərək lazım olan sualı axtarış sisteminə yazmaq. Əgər xüsusi bacarıqlarınız varsa, xüsusi mini proqram yaratmaq və proqrama sualların cavabını yükləmək olar. Bu zaman sadəcə biletin nömrəsini və ya açar sözü daxil etdikdə proqram lazım olan səhifəni açacaq.

Pleyer

Lazım olan məlumatı yavaş-yavaş pleyerə diktə edin və ayrı-ayrı fayllara yerləşdirin. Qurğunu kəmərə bərkidin, bir qulaqcığı taxaraq saçlarınızın altında gizlədin (qızlara daha asan olar) və nəzərə çarpmadan lazım olan audio yazını tapın.

Hands free

Bu aksessuarı günümüzdə istənilən mobil telefon üçün əldə etmək olar. "Hands free" qulağa taxılır və saçla örtülür. Sinfə və ya auditoriyaya girməzdən əvvəl sizə diktə edəcək “partnyorunuzla” əlaqə saxlayın. Bilet çəkdikdən sonra asta səslə sualı və ya biletin nömrəsini deyin . Yerinizə əyləşərəq özünüzü qələm istıyirsiniz kimi göstərərək sizinlə əlaqədə olan adama sualı deyə bilərsiniz.